العيشه مالها كئيبه
والضحكه كده ليه بعيده
كل مااقول هنشم نفسنا
يجد جديد ونرجع لحالنا
قولت هابتدى صفحه جديده
اعيشها بجد ونفس شديده
اجى الاقى كشكولى ضاع,,
ياادى الحظ وياادى الخيبه
______________
جيت وسمعت خبر جديد
والله فرحت كأنه العيد
قالوا شبابنا فى التحرير
فاقوا وهتفوا وصحوا الغير
قالوا عايزينها تبقى كرامه
نعيشها بجد ولا فى اهانه
هتفوا هتفنا وقلنا كمان
قتلوا اخواتنا فى الميدان
لكن ربك لما يريد
كل شويه عدد بيزيد
قمنا بثوره بجد ياناس
مات الظلم وعشنا الاحساس
رحل الطاغى والحاشيه معاه
__________
قالوا جيشنا جاى يحميها
ولا _يجي_بلطجى يندس فيها
فرحنا وقولنا ارتحنا خلاص
لكن العكس صحيح ياناس
وصل المجلس وياريته ماجاش
كأنه خيال والشعب انداس
ايشى ضرب ايشى مولوتوف
ايشى رصاص ايشى خرطوش
دى حتى البنت كمان ياطاغوت
من ظلمكوا ولا حتى تفوت
________
قالوا نختار بقى مجلسنا
ماهو ده صوتنا وممثلنا
نزلنا الشارع فرحانين
والله ويبقى _لينا_قوانين
مره اتنين اجتمعوا فى ايه
مره حوادث مره قضايا ولافاهم ليه
جت مصيبه حلت علينا
قال ايه,,راحو ماتش ورجعوا لينا
جثث فى تابوت قدام عنينا
قلنا يامجلس قولها خلاص
حكم العسكر ظلم ياناس
جه المجلس قال هنجيب
حق اللى ماتوا بس وايت
نعمل لجنه نشوف مسؤل
عن الضرب وعن المقتول
وأدى اللجنه واهم عملوها
فين الحقيقه ,,ولا حتى طالوها
ضحكوا علينا من جديد
وانت ياشعب البس فى الحيط
__________
قلنا رئيس قبل الدستور
قلك افتح بعد شهور
بس امته فين وازاى
ولاحد عارف ايه اللى جاى
__________
خش كمان عالجلسه ياقاضى
احكم بقى على كل جانى
قالك أجل انا مش فاضى
وأهو بالمره تسليم ومحاكمه
والله ياخوفى لاتبقى مؤامره
شعب ملهى فى الرئيس
والتطبيخ شغال تهييس
هى دى ثورتنا ياناس
قلت اكتبها وباايجاز
راجع نفسك يلا يابيه
شوف الحق وامسك فيه
فين العيش فين الحريه
ده حتى اتقال _علينا_بلطجيه
_____________
سامع أم شهيد وبتصرخ
فين حق اللى مات وبيهتف
طيب ارد واقولها ايه
رجعت لحالى حزين من تانى
لكن حالى بقى مش حالى
والله يابلدى لهفضل فيكى
ودمى بس راح يسقيكى
وطول ماربى هيحيينى
حقك بس اللى مودينى
لمكان ماهلاقى حياتى
ده التحرير هو منجاكى
